Pandemi COVID-19 la te gen yon gwo enpak sou lavi anpil moun; nivo enpak la te inegal. Vil Lynn konprann enpak inegal pandemi a te genyen epi li gen lentansyon itilize lajan sa a pou bati yon kominote ki pi ekitab, pi an sante epi pi dirab. Nou dwe travay ansanm pou idantifye domèn kominote nou an ki rete dèyè vwazen yo nan sa ki gen pou wè ak kalite lavi ak pwonostik sante.  

Fon redrèsman ARPA ofri yon opòtinite istorik pou amelyore kalite lavi nou grasa lojman ki bon mache, sekirite alimantè, antreprenarya ak èd pou tibizni , devlopman mendèv ki gen ladann aksè nan gadri timoun ak aksè nan teknoloji nimerik, sante mantal ak konpòtmantal envestisman nan anviwònman an ak amelyorasyon nan enfrastrikti.  

Ansanm se responsabilite nou pou n idantifye zòn kote envestisman yonsèl fwa kapab gen benefis alontèm pou rezidan ak kominote nou an. Grasa yon kolaborasyon etwat, nou pral mete anplas solisyon ki pèmèt kwasans ak devlopman ekonomik etan n ap pran bonjan desizyon pou kominote nou an epi n ap ofri yon anviwònman ki bon pou tout moun.  

Vil Lynn la dwe planifye redrèsman konplè li ak san paspouki epi kontinye kwasans li ki pa kite okenn nan nou sou kote. Pou reyalize kokennchenn pwojè sa a, sa pral mande kolaborasyon, planifikasyon ak prevwayans.