ជំងឺរាតត្បាត COVID-19 បានជះឥទ្ធិពលយ៉ាងខ្លាំងដល់ជីវិតរបស់ប្រជាជន។ កម្រិតនៃការប៉ះពាល់មិនមានសភាពដូចគ្នានោះទេ។ ក្រុងលីន ទទួលស្គាល់នូវផលប៉ះពាល់របស់ជំងឺរាតត្បាត ដែលមិនមានសភាពដូចគ្នានេះ ហើយមានបំណងប្រើប្រាស់មូលនិធិ ដើម្បីកសាងសហគមន៍ប្រកបដោយសមធម៌ សុខភាពល្អ និងនិរន្តរភាព។ យើងត្រូវតែធ្វើការរួមគ្នាដើម្បីសម្គាល់តំបន់ក្នុងសហគមន៍របស់យើង ដែលមានភាពយឺតយ៉ាវជាងតំបន់ជិតខាងរបស់ខ្លួន ទាក់ទងទៅនឹងជីវភាពរស់នៅ និងលទ្ធផលខាងផ្នែកសុខភាព។ 

មូលនិធិសង្គ្រោះ ARPA ផ្តល់ឱកាសជាប្រវត្តិសាស្ត្រដើម្បី កែលម្អជីវភាពរស់នៅរបស់យើងតាមរយៈការផ្តល់លំនៅដ្ឋានក្នុងតម្លៃសមរម្យ សុវត្ថិភាពចំណីអាហារ ភាពជាសហគ្រិន និងជំនួយដល់អាជីវកម្មខ្នាតតូច ការអភិវឌ្ឍកម្លាំងពលកម្ម ដែលរួមបញ្ចូលទាំងលទ្ធភាពចូលប្រើប្រាស់ប្រព័ន្ធឌីជីថល និងតំហែទាំកុមារ សុខភាពអាកប្បកិរិយា និងផ្លូវចិត្ត ការវិនិយោគទៅលើបរិស្ថាន និងការកែលម្អហេដ្ឋារចនាសម្ព័ន្ធ។ រួមគ្នា យើងនឹងមានកម្លាំងក្នុងការធ្វើការកំណត់អត្តសញ្ញាណតំបន់ ដែលនៅទីនោះ ការវិនិយោគត្រឹមមួយលើក អាចផ្តល់អត្ថប្រយោជន៍រយៈពេលយូរអង្វែងដល់ប្រជាជនក្នុងតំបន់ និងសហគមន៍។ តាមរយៈការសហការដ៏ជិតស្និត យើងនឹងបង្កើតបានដំណោះស្រាយ ដែលអនុញ្ញាតឱ្យមានកំណើនសេដ្ឋកិច្ច និងការអភិវឌ្ឍ ខណៈពេលដែលធ្វើការជ្រើសរើសបានយ៉ាងត្រឹមត្រូវសម្រាប់សហគមន៍របស់យើង និងផ្តល់ជូនស្ថានភាពប្រកបដោយភាពស្មើភាពគ្នានៅគ្រប់ទីកន្លែងសម្រាប់អ្នកគ្រប់គ្នា។ 

ទីក្រុង Lyn (លីន) ត្រូវតែរៀបចំផែនការដើម្បីស្តារស្ថានភាពឡើងវិញឱ្យបានពេញលេញ និងប្រកបដោយយុត្តិធម៌ ហើយបន្តធ្វើឱ្យមានការរីកចម្រើន ដែលរួមបញ្ចូលយើងគ្រប់គ្នា។ ការសម្រេចបាននូវកិច្ចការសង្គ្រោះដ៏សំខាន់មួយនេះនឹងតម្រូវឱ្យមានការសហការគ្នា ការរៀបចំផែនការ និងការគិតទុកជាមុន។